1. Xalqaro ilmiy bazalardan foydalanish: Professor-o‘qituvchilar, doktorantlar, mustaqil izlanuvchilar, magistrantlar va talabalar uchun xalqaro ilmiy ma’lumotlar bazalari hamda akademik nashriyot platformalaridan samarali foydalanishga ko‘maklashish.

2. Ilmiy jurnallarni tanlash: Ilmiy maqolani tadqiqot yo‘nalishiga mos, ishonchli va nufuzli xalqaro jurnallarga taqdim etish uchun jurnalning indekslanishi, kvartili, CiteScore, Impact Factor, nashriyot siyosati va boshqa ko‘rsatkichlarini tahlil qilish.

3. Scopus va Web of Science bilan ishlash: Muallif profillarini aniqlash va tartibga keltirish, tashkilot affiliatsiyasini to‘g‘ri ko‘rsatish, ilmiy nashrlar, iqtiboslar va bibliometrik ko‘rsatkichlarni kuzatib borish.

4. Xalqaro ilmiy nashrlar monitoringi: Universitet olimlarining Scopus va Web of Science bazalarida indekslangan ilmiy ishlari, xalqaro hammualliflikdagi maqolalari va ilmiy ko‘rsatkichlarini monitoring qilish.

5. Ilmiy maqola tayyorlash bo‘yicha metodik ko‘mak: Maqola strukturasi, annotatsiya, kalit so‘zlar, adabiyotlar sharhi, metodologiya, natijalar va muhokama, xulosa hamda bibliografiyani xalqaro nashr talablari asosida shakllantirish bo‘yicha tavsiyalar berish.

6. Soxta va shubhali nashrlardan himoyalanish: Tadqiqotchilarga jurnal yoki konferensiyaning ishonchliligini tekshirish, indekslanish holatini aniqlash va soxta ilmiy nashrlarni ajratish bo‘yicha tavsiyalar taqdim etish.

2. Xalqaro ilmiy platformalar

Scopus

Elsevier kompaniyasining xalqaro bibliografik va referativ ma’lumotlar bazasi. Ilmiy maqolalarni qidirish, muallif profilini ko‘rish, H-index va iqtiboslarni tahlil qilish, tashkilot ilmiy faolligini kuzatish, CiteScore, SJR va SNIP ko‘rsatkichlarini tekshirish imkonini beradi.

Rasmiy havola: www.scopus.com

Web of Science

Ilmiy adabiyotlar va iqtiboslarni tahlil qilishga mo‘ljallangan xalqaro platforma. Ilmiy adabiyotlarni qidirish, iqtiboslar tarmog‘ini tahlil qilish, muallif va tashkilot ko‘rsatkichlarini kuzatish hamda jurnallarning xalqaro indekslanish holatini tekshirishda qo‘llaniladi.

Rasmiy havola: www.webofscience.com

ScienceDirect

Elsevier nashriyotining ilmiy maqolalar va akademik kitoblarni taqdim etuvchi elektron platformasi. Tabiiy fanlar, muhandislik, tibbiyot, ijtimoiy va gumanitar fanlarga oid katta hajmdagi ilmiy adabiyotlarni qamrab oladi.

Rasmiy havola: www.sciencedirect.com

SpringerLink

Springer Nature nashriyotining ilmiy jurnallar, kitoblar, monografiyalar va konferensiya materiallarini taqdim etuvchi akademik platformasi.

Rasmiy havola: link.springer.com

Oxford Academic

Oxford University Press tomonidan yuritiladigan akademik platforma bo‘lib, xalqaro ilmiy jurnallar, kitoblar va kitob boblarini o‘z ichiga oladi. TerDU jamoasi uchun platformaning tegishli resurslaridan institutsional foydalanish imkoniyatlari yaratilgan hollarda bu haqda sahifada alohida e’lon berib boriladi.

Rasmiy havola: academic.oup.com

3. Ilmiy maqolani nashrga tayyorlash

Xalqaro jurnalga maqola yuborishdan oldin quyidagilarga e’tibor qaratish tavsiya etiladi:

1. Tadqiqot mavzusiga mos jurnalni tanlash.

2. Jurnalning Scopus yoki Web of Science bazasidagi holatini tekshirish.

3. Jurnalning “Aims & Scope” bo‘limi bilan tanishish.

4. “Guide for Authors” talablarini to‘liq o‘rganish.

5. Maqolani jurnal shabloni va talablariga muvofiqlashtirish.

6. Annotatsiya va kalit so‘zlarni sifatli shakllantirish.

7. Adabiyotlar ro‘yxatini jurnal talab qilgan uslubda rasmiylashtirish.

8. Mualliflarning affiliatsiyasi va ORCID ma’lumotlarini to‘g‘ri kiritish.

9. Plagiat va ilmiy etika talablariga rioya qilish.

10. Maqolani faqat jurnalning rasmiy submission tizimi orqali yuborish.

4. Foydali rasmiy havolalar